2016中山菊花會- 孫中山

2016中山菊花會- 孫中山
孫文（1866年11月12號—1925年3月12號）係大清同中華民國人，中華民國國父，中國國民黨總理。佢以搞革命推翻大清，建立中華民國而聞名。孫文流亡日本嗰陣，化名中山樵，後人亦尊稱中山先生，冠氏則爲孫中山先生，因此有人誤以孫中山係佢個名。佢一生從未用過孫中山呢個名。
孫文原本係大清廣東香山縣（而家叫中山市）人，佢去過世界各地密謀推翻大清，建立共和國。
民國二十九年（1940年），國民政府通令全國，讚揚孫文「倡導國民革命，手創中華民國，更新政體，永奠邦基，謀世界之大同，求國際之平等」，尊稱佢為「中華民國國父」。孫文被國民黨尊稱「永遠嘅總理」；共產黨就叫佢做「革命先行者」。喺大陸亦有人叫孫文做「現代中國之父」。